قصيده تهبل....انشاء الله تعجبكم
جت ثايرة متوترة قلـت الحلـو زعـلان ليـه
الله يجازيهـم حــرام يزعـلـون المتـرفـه
رفعت حواجبها وزمت رمشهـا والمـوت فيـه
قالت بكيفـي والسبـب ماهـو بـلازم تعرفـه
شي ما يخصك سيبني في حالي الحزن اشتهيـه
احد اشتكى لك؟؟ يووووه يا بعض الخلايق ملقفه
قلت انت لو ما تشتكيـن الهـم قلبـي يشتكيـه
من يوم اشوف الحزن من تحت الرموش المورفه
وشلون ما تبغيني اسـأل ليـش همـك تحمليـه
واناابتهاجـاتـي عـلـى نفسيـتـك متوقـفـه
زود انفعالاتـك يؤثـر بانفعـالاتـي واتـيـه
تأثير يتناسب تناسب طـردي ابنفـس الصفـه
لو اعـرف اللـي زعلـك والله للعـن والديـه
وإلا يجي لك يعتذر غصبـاً عـن اللـي خلفـه
قالت علىبالك تتريق؟؟ يا برودك يييييييـه ييـه
احر ما عندي هو ابـرد شـي عنـدك والطفـه
قلبتها لي فيزياء وانـا احسـب انـك سيبويـه
اقول لـك حـره وبرضـك ماتسيـب الفلسفـه
مدري انت تستغبي معي وإلا مسوي لي نبيـه؟
وإلا انت فاكرنـي لهـذا الحـد انـا متخلفـه؟
لا لا حبيبي مو بنا اللـي يخدعـه مـا تدعيـه
مبروم ما يفتـل علـى مبـروم لعبـك بكشفـه
تقتل قتيلك ثـم تمشـي فـي الجنـازه تقتفيـه
من يوم آعرفك وانت ما تتـرك معـاي اللفلفـه
قلت اذكري الرحمن واعطيني سبب واحد وجيه
يعطيك حق انـك تدينينـي لـو انـك منصفـه
قالت لي اسأل نفسك اش سويت بالحب النزيـه
منهو الذي مشغـول جوالـه ودمـي استنزفـه؟
ثلاث ساعات اتصل مشغول يـا مستـور بيـه
مدري تفاوض بـوش وإلا بــــداية معرفـه
طبعاً مطنشني وداخـل جـو لكـن وش عليـه
مانـي بزعلانـه علـى شانـك ولا متحسفـه
ليه الحسايـف دام قلبـك بـاع قلبـاً مشتريـه
إلا خسـاره فيـك دمعـاً فـي غيابـك بذرفـه
قامت وراحت واتركتني قلت معـذاري اسمعيـه
زمت شفايفها ولفحـت شعرهـا فـي عجرفـه
لحقتها قلت افهمي الموضـوع قالـت مـا ابيـه
قلت انت حره واتركتني آآآآآآه ياهـي مجحفـه
اسبوع ياابراهيـم لا زادي ولا النـوم اهتنيـه
احب هالمجنونـه اللـي فـي عذابـي مسرفـه
من يوم راحت والسوالـف كلهـا لهجـة سفيـه
وذكرياتـي لجـل يسكـت كلـهـا تستحلـفـه
والوقت باسط كف قابض كف يفرك فـي يديـه
له عين يتشمت وانا اللي كنت بالضحـك اتلفـه
ان كان مر اسبوع ماجانـي اتصـالاً محتريـه
بطلبك يا ابراهيم خدمه كـان مـا فيـه اكلفـه
اطلع شهار وقول عندي شخص ربي مبتليه
واحجز سريراً زين في غرفه فسيحـه مشرفـه
ومر وصلنـي عسـى الله لا يهينـك يالوجيـه
تلقاني اتحـراك لابـس ثـوب نـوم ومنشفـه
لاتحرموني ردودكم..
تقبلو تحياتي ودمتم بود
__________________
سبحــآآنـ اللهـ